今日不斷睇到”地球只剩12年”嘅消息。
我記得細個小學第一次聽到世界未日嘅時候，我驚到喊瞓唔著，父母安慰咗我一整晩先可以入睡。平時見到呢啲報導都一直唔太在意，覺得“點會輪到自己”，但係今日”世界大限”嘅新聞的確有令我心裏一沉，大概係之前山竹嘅威力太勁，令我不得不能相信呢個警號嘅真實性！
然後我喺上班途中不斷resaech啲保育資料，而且仲突然喚醒咗自己嘅”反醒魂”: 要盡快做更多自己真正想做嘅事！
每年年頭我都會寫New Year Resolution，而的確，喺呢10個月我完成咗一啲目標嘅同時，亦有啲目標，甚至有兩個非常重要嘅目標卻一直被投閒置散... 好多時，人缺少嘅唔係目標，而係勇氣同決心。
有無試過討厭呢份工，講咗10年都未轉到?
有無試過話要倍多啲屋企人同朋友，最後都無做到?
有無試過買話減肥要健康生活，最後都...都係唔好提喇...
有無試過想報啲course想增值一下自己，有晒資料同單張，最後連朋友都報咗但係自己都仲未報?
有無試過同自己話要跳出comfort zone，但係而家仍然原地踏步？
人似終有惰性，對於新環境新嘗試，唔單止會剝奪部份享樂時光，花費一啲金錢，而最令人感到唔舒服嘅地方就係對自我嘅約束，開始要逼自己做一啲同過去習慣唔同或者觀念唔同嘅事，又或者要扚起心肝去同惰性博鬥。要突破，就要嘗試一啲覺得唔太舒服嘅事，寧願試過都好過最後自己無試過。假如時間真係有個限期，大家都應該抓緊時間，放棄世俗眼光做自己喜歡嘅事，唔好再等唔應該等嘅人，珍惜同感恩每一天。
所以我今日告訴自己要重拾目標，唔可以令10個月前嘅自己失望，亦唔可以令2019年嘅自己感到遺憾。所以如果你哋如果見到我喺一啲無出現過嘅地方出現，又或者post咗一啲我從來無post過嘅嘢希望你哋唔好笑我 (戴定頭盔😂)🙈，我只想無悔。
如果地球真係得返12年，你又會點過呢？
#真係唔好笑我 #我都要拎出好大勇氣 #人生就係想無悔 #唔想淨係得個講字 #女人像鹽
Search